離開死鬼佬之魔掌已有一個月
這一個月,在新公司的訓練下,繼續出發~
鐘錶這個行業,各大公司在修理上也有自己一套做法,每次轉公司都要學餐死既.......
新公司要在中環先"清零",再轉介去葵涌修理部
中環實在太繁忙,我和這地方總覺得格格不入,可能我平時的動作較慢,個人太輕鬆了吧,完全跟不上這大都市腳步的,平時只有遲到和肚痛我會行得較快一點.......
食飯就更誇張!度度都爆到九彩,搵個答台位都無,要拎住碟飯企住等,好鬼慘~
喺D咁繁忙既地區食飯,食左都消化唔到啦.......所以我買野過碼頭食,慢慢嘆!!!嘩.......超正~
其實呢個月幾正架,無乜野做,教我果條友又成日狂傾電話講人是非,教完一樣野就等我自已搞,好得閒,大部份時間都係"玩手指"!!哈哈~
但當然啦,有很多新技術也要多練習,不可懶墮,要很專心記住~
教我果條友話,過到去就唔同晒,好多野做,超忙,晚晚遲收工..........有D騖........
我個人好怕轉變,唔鐘意轉來轉去,好怕又要適應新環境,又要識過一班人.....覺得好辛苦.....你知啦,我個人又自閉又內向,好怕呢D野.........
其實點解唔直接去葵涌修理部"清零"呢??我現在要開始去葵涌番工了,又要從新適應新地方,又要識過D人,超麻煩囉.......
講真,如果唔係死鬼佬迫我番大陸,我都唔會諗住轉工啦.....不過,嚫自己仲後生,仲可以有機會轉o下工,出去闖一闖,都係一件好事~老左想走都好難~
阿黎生之前咪send左個E-mail比我,話IVY有鐘錶課程既!其實上年我已報名了,只是人數未夠,未能成班~
直到近期,終於草夠人喇!!禮拜一,四,晚上都要番夜校呀我!!幾鬼上進呀真係!!
又要開始新生活喇~繼續前進啦老友~
