想當年.我為左呢對鞋,捱左好多餐肚餓.........

哦!!估唔到......06年既呢個9月,"佢"竟然........"重臨大地"

雖然,"波神"已經收山好耐,但係佢既波鞋就一直出出出出出............長出長有!!最勁就係,其受歡迎程度一直高企,仲似乎有增無減!!

閒時都有留意o下D波鞋網,這個年代要搵呢D資料都好易,上上網,一大堆料夠你睇足幾日幾夜!有咩新鞋,邊對又再復刻,有咩新色,怎至幾年幾月幾日出,全部話晒你知~

當然啦,我唔係果D由一代儲到廿幾代既有$仔,我亦好慶幸自己唔係呢D人!如果係都幾大鑊.....而且我覺得後期果D唔係好得..........嘻(fans唔好打我...)

我只會留意三,四,五代!!呢幾代真係超靚(我覺得)勁鍾意呀!!

Y鍾意??嘩.......真係要講番D童年住事喇~

當年,我阿哥有打開籃球,我地有時會同幾個街坊落街打波,好健康架!咁好自然就留意D關於籃球既野啦!除左無綫既"體育世界"外,仲有本體育雜誌名叫"奪標"(已停刋多年),有時會有D NBA既消息,D圖片都幾靚!!

有一期係講MVP既,當年MAGIC JOHNSON 同 JORDAN 爭得好勁,得票數好接近;不過,果時既我好無知,唔知jordan係乜水,只知佢同個地鐵站一樣名,知佢係個黑人!!

而果期就正正登左張JORDAN既靚相:"咦....呢條友對鞋幾靚喎!"

JORDAN III

呢一對,就係我一直祈待緊既"JORDAN III"

唉......到我清楚呢位黑人係咩來頭,知呢對係AJ三代時,已是四代的末期了........!!

搞錯呀!!三代已錯過了,就連四代都快消失了,點解我會咁苦架O下!!旺角波鞋街已段貨,灣仔都無........

丫.....我唔記得果時問邊個,有人話九龍灣好似仲有~好!!一於去睇個清楚!最後一擊!!

嘩嘩嘩!!!真係有呀喂!!我唔係眼花嘛!!!我即時拿上手!!雖然已經無晒D原色版(白紅黑,黑紅),得番呢對白藍灰,而且店員話"得番最後呢對喇!!"唉.......照殺啦!!即决!!

JORDAN IV

就係咁,買左我人生既首對JORDAN!唔知係咪心理作用,著住呢對鞋個人真係特別"彈"!跳又跳得高D,打起波上黎真係特別勁喎.......確係神奇!!

去到出第五代,超靚啦!!!其實係睇住佢出,睇住佢好多人買,睇住佢賣晒!!但....我無買......!點解鍾意又唔買呢..........原因只得一個..............喂喂!你估一對JORDAN好平呀o下.........

咁之後就六代,我發覺由呢代開始,D JORDAN鞋身幼左;而我係闊腳人,所以唔多o岩我.....

往事就係咁,所以三四五代對我係有D特別感覺,好懷念!

其實前幾年,呢幾代已出過復刻版,但可惜........無我鍾意既顏色......忍住先!嘻

哈哈!實在太好喇!我終於等到喇!!原來我都係一個好有耐性既人!哈~

好消息:06年開始復刻四代,包括最多人等左好耐果對白紅黑,仲有我以前對白籃灰

後半年就復刻五代,包括又係最多人等緊既白紅黑,黑紅!!

07年,係我最祈待既,因為........

三代-白紅黑 登場

相關網站

http://www.air-jordans.com/xtra/2006/

http://www.issforums.com/forums//viewforum.php?f=2

"Hello~你買左JORDAN未呀?"