上週五,相約數名文化界遊書展^^

每年書展我地都會出席架!正所謂"書中自有黄金屋"嘛!老師都叫我多看課外書增進知識架!

嘩大佬!乜今年咁多人既??往年呢D放工時間,D人潮都走得七七八八啦;今年搞乜鬼排晒長龍呀?有$派呀?乜原來香港人咁鍾意睇書架咩?

好在條龍行得好快,我地好快就入到場喇~

每年書展我都係參觀多過買野,事關我要買果D書都唔o係呢個展!係另一個展先有~

今年都算買得多野了,4本書+入樽POSTCARD 1 set+貼紙一盒

最想買既一本係 楊學德 既 "標童話集",此書收集了以住在東touch刋登過的同名專欄,內容主要講屋邨仔成長記,我呢D屋邨仔睇得特別投入啦,必買呀

另一本係 布魯圖第二期~!估唔到會咁快出!呵呵!!好似出第三期會在漫畫展出版!太好喇!唔駛等咁耐

其實書展都幾好,可以比我呢D平時勁少行書局既人仕接擉多D,又可以了解呢排D人鍾意睇D咩書,幾熱鬧架!! 

明年見~